महोत्तरी, १३ कार्तिक । महोत्तरीको औरही नगरपालिका–४ कटुधारमा बुधबार अपरान्ह नम्बर नखुलेको मोटरसाइकलको ठक्करबाट १० वर्षीया शिवानी यादवको मृत्यु भएको छ ।
साइकलमा जाँदै गर्दा ठक्कर खाएकी शिवानीको उपचारका क्रममा जानकी एकेडमिक अस्पतालमा निधन भएको हो । चालक फरार रहेको र खोजी भइरहेको प्रहरीले जनाएको छ ।
घटनापछि स्थानीयले दोषीलाई कारबाहीको माग गर्दै हाुलाकी राजमार्ग अवरुद्ध गरेका थिए, जसलाई दुई दिनभित्र दोषी पत्ता लगाउने सहमतिपछि खुलाइएको छ ।
