काठमाडौं, १२ कात्तिक । झापाको दमक नगरपालिका–२ पाङ्गिनीचोक नजिक गए राति भएको बस दुर्घटनामा एक जनाको मृत्यु भएको छ भने २१ जना घाइते भएका छन् ।
जिल्ला प्रहरी कार्यालय झापाका प्रहरी नायब उपरीक्षक खगेन्द्रबहादुर खड्काका अनुसार दमकबाट मोरङको टाँडीतर्फ गइरहेको बा २ ख १९८३ नम्बरको यात्रीबहाक बस दुर्घटनामा परेका हुन्। बसमा कुल ३५ जना सवार थिए ।
दुर्घटनामा गम्भीर घाइते एक जनाको मृत्यु भएको प्रहरीले जनाएको छ । अन्य २० जना सामान्य उपचारपछि घर फर्किएका छन् भने एकजनाको अवस्था गम्भीर रहेको बताइएको छ ।
बस चालक मोरङ मिक्लाजुङ–३ का ३९ वर्षीय भक्तबहादुर दर्जीलाई नियन्त्रणमा लिएर थप अनुसन्धान भइरहेको प्रहरीले जानकारी दियो ।
