काठमाडौं, २९ साउन । रसुवाको गत्लाङबाट काठमाडौं आउँदै गरेको बस उत्तरगया गाउँपालिका वडा–५ लहरेपौवामा दुर्घटना हुदा १२ जना धाइते भएका छन् ।
रसुवाको पासाङल्हामू मार्ग अन्तर्गत लहरेपौवामा बा ४ ख ८४३५ नम्बरको बस दिउँसो २ बजे दुर्घटना भएको जिल्ला प्रहरी कार्यालय रसुवाका इन्स्पेक्टर राजु शाहले बताए ।
उनका अनुसार दुर्घटना बस सडकबाट ३० मिटर तल बसेको छ । घाइतेमध्ये एकजनाको अवस्था गम्भीर रहेको उनले जनाए । घाइते भएका सबैलाई जिल्ला अस्पताल त्रिशुली पठाइएको इन्स्पेक्टर शाहले जानकारी दिए ।
