काठमाडौँ, १६ साउन । सगरमाथाबाट आर्थिक वर्षमा बिरामीहरूलाई हवाई उद्धारले ३६ लाख रुपैयाँभन्दा बढी खर्च भएका छन् ।
सगरमाथा रहेको सोलुखुम्बुको खुम्बु पासाङल्हामु गाउँपालिकाले गत आर्थिक वर्षमा २५ बिरामीलाई हवाई उद्धार गरेको छ ।
गाउँपालिकाले शुक्रबार सार्वजनिक गरेको विवरणअनुसार २५ जना बिरामीलाई आपत्कालीन अवस्थामा हेलिकप्टरमार्फत उद्धार गर्न उक्त रकम खर्च भएको हो ।
गाउँपालिकाको स्वास्थ्य शाखा प्रमुख अर्थिमाया तामाङका अनुसार आर्थिक वर्ष २०८०÷८१ को अवधिमा हवाई उद्धारमा कुल ३६ लाख ७४ हजार ४ सय ८० रुपैयाँ खर्च भएको हो ।
गाउँपालिकाका अनुसार विभिन्न वडाहरूबाट बिरामीहरूलाई हेलिकप्टरमार्फत काठमाडौँ, लुक्ला र फाप्लुजस्ता स्थानमा रहेका अस्पतालसम्म पु¥याइएको थियो ।
भौगोलिक विकटताका कारण खुम्बु क्षेत्रमा सडक यातायातको सहज पहुँच छैन, जसले गर्दा गम्भीर बिरामी तथा आपत्कालीन अवस्थामा हेलिकप्टर नै उद्धारको एक मात्र विकल्प बन्ने रहेको छ ।
