अररिया । सहरसामा प्रभात खबर डिजिटलका पत्रकारमाथि भएको दुर्व्यवहार तथा कुटपिटको विरोधमा जिल्ला पत्रकार संघ अररियाले विरोध प्रदर्शन गरेको छ।
संघले बिहीबार प्रेस भवनमा बैठक आयोजना गर्दै पत्रकारमाथि हुने दुर्व्यवहार र आक्रमणका घटनाप्रति आपत्ति जनाएको हो। बैठकले पत्रकारको सुरक्षा, स्वतन्त्रता र पेशागत मर्यादा कायम गर्न प्रभावकारी कानुनी व्यवस्था गर्न सम्बन्धित निकायसँग माग गरेको छ।
बैठकपछि प्रेस भवनबाट काली मन्दिर, चाँदनी चौक हुँदै समाहरणालयसम्म विरोध मार्च निकालिएको थियो। पत्रकारहरूले सहरसामा भएको घटनाको निष्पक्ष छानबिन गरी दोषीमाथि कानुनी कारबाही गर्न माग गर्दै सदर एसडीओ र एडीपीओलाई ज्ञापनपत्र बुझाएका छन्।
कार्यक्रममा संघका अध्यक्ष राकेश कुमार उर्फ मन्टु भगतसहित अमरेन्द्र सिंह, मृगेन्द्र मणि सिंह, चन्दन कुमार लालू, ज्योतिष झा, फुलेन्द्र मल्लिकलगायत जिल्लाका पत्रकारहरूको सहभागिता रहेको थियो।
