काठमाडौं, १८ भदौ। पूर्वाधार विकास मन्त्री सुनिल लम्सालले पृथ्वी राजमार्गअन्तर्गत कृष्णभीरमा गएको पहिरो हटाउने काम तीव्र पारिएको बताएका छन्।
उनका अनुसार पहिरोको दुवैतर्फ १८ जना खटाएर रुख कटान भइरहेको छ भने आवश्यक निर्माण उपकरण तयारी अवस्थामा राखिएको छ।
रुख कटान सकिएलगत्तै उपकरण परिचालन गरी पहिरो हटाउने काम सुरु गरिने मन्त्री लम्सालले जनाएका छन्। सडक सञ्चालनलाई प्राथमिकतामा राखेर काम तीव्र गतिमा अघि बढाइएको उनको भनाइ छ।
