काठमाडौँ, २२ साउन । सर्वोच्च अदालतले गुण्डागर्दीबाट अवैध सम्पत्ति आर्जन गरेको आरोप लागेका मिलन गुरुङ र उनकी श्रीमती इन्दिरा घले गुरुङलाई सफाइ दिएको छ ।
न्यायाधीश अब्दुल अजीज मुसलमान र मेघराज पोखरेलको इजलासले विशेष अदालतले आठ वर्षअघि गरेको सफाइको फैसला सदर गरेको हो ।
सम्पत्ति शुद्धीकरण अनुसन्धान विभागले उनीहरूमाथि ७ करोड ८ लाख रुपैयाँ गैरकानुनी रूपमा आर्जन गरेको आरोप लगाउँदै मुद्दा दायर गरेको थियो। विशेष अदालतले १० माघ २०७४ मा सफाइ दिएपछि विभागले त्यसविरुद्ध सर्वोच्चमा पुनरावेदन गरेको थियो ।
