काठमाडौं, ११ साउन । गायक तथा बाल कलाकार अशोक दर्जीले सामाजिक सञ्जालमार्फत आफ्नो चरित्रहत्या गरिएको आरोप लगाउँदै इलाका प्रहरी कार्यालय अनारमनी, बिर्तामोडमा उजुरी दिएका छन् ।
दर्जीले झूटा आरोप लगाएर भिडियो खिची फेसबुक र टिकटकमा सार्वजनिक गरिएको तथा भिडियो हटाउन आग्रह गर्दा समेत धम्की दिइएको उल्लेख गरेका छन् ।
उनले दोषीमाथि कानुनी कारबाही गरी न्याय दिलाउन प्रहरीसमक्ष माग गरेका छन् । प्रहरीले उजुरीका आधारमा घटनाबारे अनुसन्धान अघि बढाएको जनाएको छ ।
