काठमाडौं, १७ असार । गुल्मीको धुर्कोट गाउँपालिका–५ मन्टारीमा बँदेल नियन्त्रणका लागि बारीमा प्रवाह गरिएको विद्युतीय करेन्टका कारण एक महिलाको ज्यान गएको छ ।
प्रहरीका अनुसार ६६ वर्षीय भेषराज भण्डारीले आफ्नै घरदेखि करिब १५० मिटर टाढा रहेको बारीमा बँदेलबाट बाली जोगाउने उद्देश्यले बिजुलीको पोलबाट करेन्ट प्रवाह गरेका थिए। सोही विद्युतीय तारको सम्पर्कमा आउँदा उनकी ६० वर्षीया श्रीमती हुमकला भण्डारी गम्भीर घाइते भएकी थिइन्।
घाइते हुमकलालाई तत्काल उपचारका लागि जिल्ला अस्पताल तम्घास पु¥याइए पनि चिकित्सकले बिहान ३ः२५ बजे मृत घोषणा गरेका थिए।
घटनापछि प्रहरीले करेन्ट प्रवाह गर्ने भेषराज भण्डारीलाई नियन्त्रणमा लिएको छ। घटनाको कारण र कानुनी पक्षबारे थप अनुसन्धान भइरहेको जिल्ला प्रहरी कार्यालय गुल्मीका प्रहरी नायब उपरीक्षक वीरेन्द्र वीर विश्वकर्माले जानकारी दिएका छन्।
