काठमाडौं, ९ असार । कर्णाली नदीमा बेपत्ता भएका ट्रकका सहचालक निवन रोकायको खोजी एक सातादेखि जारी छ ।
डोल्पाको जगदुल्ला गाउँपालिका–३ निवासी २४ वर्षीय रोकाय २ असारमा दैलेखको ताराबजार नजिक कर्णाली नदीमा नुहाउने क्रममा बेपत्ता भएका थिए। उनी मुगुबाट सुर्खेततर्फ जाँदै गरेको मिनी ट्रकका सहचालक थिए ।
सशस्त्र प्रहरी, नेपाल प्रहरी र आफन्तहरूको संयुक्त टोलीले खोजी गरिरहेको छ । खोजीलाई प्रभावकारी बनाउन गोताखोरसहित सोनार क्यामरा र अन्डरवाटर ड्रोनसमेत परिचालन गरिएको सशस्त्र प्रहरीले जनाए ।
