काठमाडौं, ८ असार । फिलिपिन्सको टाक्लोबानस्थित एक माध्यमिक विद्यालयमा भएको गोलीकाण्डमा ३ विद्यार्थीको मृत्यु भएको छ भने ७ जना घाइते भएका छन् ।
प्रहरीका अनुसार १५ र १४ वर्षका दुई किशोरले विद्यालयभित्र गोली चलाएका थिए । घटना सोमबार बिहान स्थानीय समयअनुसार करिब ९ बजे सान जोसे नेशनल हाइस्कुलमा भएको हो । घटनापछि सुरक्षाकर्मी तत्काल विद्यालय पुगेका थिए र घाइतेहरूलाई उपचारका लागि अस्पताल पठाइएको थियो ।
प्रहरीले घटनामा संलग्न दुवै किशोरलाई नियन्त्रणमा लिएर हतियार बरामद गरेको छ । फिलिपिन्सको शिक्षा मन्त्रालयले उच्च सतर्कता घोषणा गर्दै प्रभावित विद्यार्थी, शिक्षक तथा कर्मचारीका लागि मनोसामाजिक परामर्श सेवा उपलब्ध गराउने जनाए ।
प्रहरीले घटनाको कारणबारे अनुसन्धान जारी राखेको छ । प्रारम्भिक रूपमा विद्यालयभित्रको दुव्र्यवहार (बुलिइङ) वा व्यक्तिगत विवाद कारण हुन सक्ने आशंका गरिएको छ ।
