काठमाडौं, २४ जेठ । नेकपा एमालेका केन्द्रीय सदस्य तथा अन्तर्राष्ट्रिय सम्बन्धका शोधार्थी विष्णु रिजालले रास्वपा सभापति रवि लामिछानेको भारत भ्रमण र त्यहाँ प्राप्त उच्चस्तरीय स्वागतलाई भारतको रणनीतिक सन्देशका रूपमा व्याख्या गरेका छन् ।
रिजालका अनुसार भारतले यो भ्रमणमार्फत नेपालमा उदाएको नयाँ जनमत र राजनीतिक शक्तिलाई सम्मान गरेको, सरकारभन्दा राजनीतिक दलसँग दीर्घकालीन सम्बन्ध विस्तार गर्न खोजेको तथा रास्वपालाई सम्भावित साझेदारका रूपमा हेरेको संकेत दिएको छ ।
उनले भारतले प्रधानमन्त्री बालेन्द्र शाहलाई अप्रत्यक्ष दबाब दिने, नेपालमा बढ्दो अमेरिकी प्रभावलाई सन्तुलन गर्ने र नेपाल–भारतबीचका विवादित विषयलाई ओझेलमा पार्ने उद्देश्यसमेत राखेको दाबी गरेका छन् ।
लेखमा रवि लामिछानेले भ्रमणका क्रममा परिपक्व कूटनीतिक व्यवहार देखाएको, विकास साझेदारीमा जोड दिएको तथा भारतीय नेतृत्वसँगको संवादलाई व्यवस्थित ढंगले अघि बढाएको उल्लेख गरिएको छ ।
रिजालले भ्रमणलाई नेपाल–भारत सम्बन्धको बदलिँदो राजनीतिक सन्दर्भमा महत्वपूर्ण घटनाका रूपमा चित्रण गरेका छन् ।
