धादिङ, २३ जेठ । सूचना तथा सञ्चारमन्त्री विक्रम तिमिल्सिना ले देश नयाँ राजनीतिक संस्कारतर्फ अघि बढिरहेको बताएका छन् ।
रास्वपा धादिङको प्रथम जिल्ला अधिवेशन उद्घाटन गर्दै उनले विगतमा गलत भन्दै आलोचना गरिएका राजनीतिक अभ्यास दोहोर्याउने छुट राष्ट्रिय स्वतन्त्र पार्टीलाई नरहेको बताए ।
उनले राजनीति र राजनीतिक संस्कार दुवै परिवर्तन गर्न आवश्यक रहेको उल्लेख गर्दै पार्टी कुनै व्यक्ति, समूह वा बिचौलियाको स्वार्थ पूरा गर्ने माध्यम बन्न नहुने बताए ।
मन्त्री तिमिल्सिनाले सुशासन, पारदर्शिता र उत्तरदायित्वलाई प्राथमिकतामा राख्दै आन्तरिक लोकतन्त्र, सहमति र संगठनात्मक अनुशासनका आधारमा पार्टीलाई बलियो बनाउनुपर्नेमा जोड दिए ।
