काठमाडौं, २३ जेठ । राष्ट्रिय स्वतन्त्र पार्टी -रास्वपा) का सभापति रवि लामिछाने ले रास्वपाको लक्ष्य मुलुकको सक्षम र जनमैत्री राजनीतिक शक्ति बन्ने रहेको बताएका छन् ।
शनिबार सामाजिक सञ्जालमार्फत सन्देश जारी गर्दै उनले पार्टीको जिल्ला अधिवेशन र महाधिवेशन नेतृत्व चयनको प्रक्रिया मात्र नभई लोकतान्त्रिक अभ्यास, विधि र स्वस्थ राजनीतिक संस्कार निर्माण गर्ने अवसर भएको उल्लेख गरे ।
लामिछानेले पछिल्लो जनमतलाई अझ विस्तार गर्न धैर्य, त्याग र समर्पण आवश्यक रहेको बताउँदै मबाट हामीमा रूपान्तरण हुनुपर्ने बेला आएको उल्लेख गरेका छन् ।
उनले संवाद, सहमति र लोकतान्त्रिक प्रक्रियाबाट सक्षम, इमानदार तथा जनमैत्री नेतृत्व चयन गर्नुपर्नेमा जोड दिएका छन् ।
