काठमाडौं, १५ जेठ। कम्बोडिया सरकारले भिसा अवधि सकिएर त्यहाँ बसिरहेका ६०२ नेपालीको जरिबाना मिनाहा गरेको छ ।
बैंककस्थित नेपाली दूतावासको अनुरोधपछि कम्बोडिया सरकारले शुल्क छुट दिएको हो ।
दूतावासका अनुसार अझै ३०२ नेपाली कम्बोडियामै छन् र उनीहरूलाई स्वदेश फर्काउने तयारी भइरहेको छ ।
भिसा अवधि सकिएका नेपालीलाई एक साताभित्र देश फर्किन आग्रह गरिएको छ । नयाँ कानुनअनुसार अवैध रूपमा बस्ने विदेशीलाई कडा जरिबाना र कैद सजाय हुन सक्ने व्यवस्था गरिएको छ ।
