काठमाडौं, १२ जेठ । प्रहरीले ३० लाख रुपैयाँभन्दा बढी नगद र १२२ ग्राम खैरो हेरोइनसहित एक जनालाई पक्राउ गरेका छन् ।
पक्राउ पर्नेमा सिन्धुपाल्चोक घर भई काठमाडौंको बुद्धपार्क बस्दै आएका ४२ वर्षीय कुमार लामा रहेका छन् । प्रहरी वृत्त स्वयम्भूबाट खटिएको टोलीले लामालाई पक्राउ गरेको हो ।
प्रहरीले उनको साथबाट ३० लाख १७ हजार २४५ रुपैयाँ नगद, खैरो हेरोइन तथा अन्य निषेधित औषधिजन्य लागुऔषध बरामद गरेको जनाए ।
घटनाबारे थप अनुसन्धानका लागि काठमाडौं जिल्ला अदालतबाट ५ दिनको म्याद लिएर प्रहरीले अनुसन्धान अघि बढाएको छ ।
