पोखरा, २७ बैशाख । पोखराको बागलुङ बसपार्क क्षेत्रमा भएको ग्याङ फाइट घटनामा संलग्न एक युवतीसहित ६ जनालाई प्रहरीले पक्राउ गरेको छ ।
वैशाख २२ गते राति भएको झैझगडाको भिडियो सामाजिक सञ्जालमा सार्वजनिक भएपछि जिल्ला प्रहरी कार्यालय कास्की र वडा प्रहरी कार्यालय बगरले अनुसन्धान थालेको थियो ।
प्रहरीले वैशाख २६ गते पोखराका विभिन्न स्थानबाट उनीहरूलाई नियन्त्रणमा लिएको हो । प्रारम्भिक अनुसन्धानमा झगडाको मुख्य कारण लागुऔषध कारोबार रहेको खुलेको प्रहरीले जनाएको छ ।
