जनकपुर, २७ वैशाख । धनुषाको मिथिला नगरपालिका-९ स्थित पूर्व–पश्चिम लोकमार्गमा आइतबार बिहान दुई बस ठोक्किँदा १७ यात्रु घाइते भएका छन् ।
काठमाडौंबाट विराटनगर जाँदै गरेको बसलाई काँकडभिट्टातर्फ जाँदै गरेको अर्को बसले ओभरटेक गर्ने क्रममा पछाडिबाट ठक्कर दिँदा दुर्घटना भएको प्रहरीले जनाएको छ ।
ठक्करपछि काँकडभिट्टा जाँदै गरेको बस अनियन्त्रित भई सडकमा पल्टिएको थियो । घाइतेहरूको लालगढस्थित मोडल अस्पतालमा उपचार भइरहेको छ भने अधिकांशको अवस्था सामान्यदेखि मध्यम रहेको प्रहरीले जनाएको छ ।
दुर्घटनामा संलग्न बसलाई प्रहरीले नियन्त्रणमा लिएको छ ।
