जनकपुर, २६ वैशाख । जनकपुरमा स्वास्थ्यकर्मीहरूले स्वास्थ्यमन्त्री निशा मेहताको राजीनामा माग गर्दै विरोध प्रदर्शन गरेका छन् ।
धनुषाका सरकारी तथा निजी अस्पतालमा कार्यरत हेल्थ असिस्टेन्ट, अनमी, ल्याब असिस्टेन्टलगायत स्वास्थ्यकर्मीहरूले शनिबार विभिन्न नारासहित ¥याली निकालेका हुन् ।
सरकारले हालै स्वास्थ्य क्षेत्रमा दरबन्दी आह्वान गरे पनि हेल्थ असिस्टेन्ट, ल्याब, रेडियो, सिएमएलगायत पदमा दरबन्दी नखुलाएको भन्दै उनीहरूले असन्तुष्टि जनाएका छन् ।
स्वास्थ्यकर्मी नवेश अधिकारीले ३५ वर्षपछि खुलाइएको दरबन्दीमा आफूहरूलाई समेट्न नखोजिएको आरोप लगाए । उनका अनुसार देशमा हरेक वर्ष हजारौं स्वास्थ्यकर्मी उत्पादन भए पनि रोजगारीका अवसर नखुल्दा विभेद भएको महसुस गरिएको छ ।
दुई दिनभित्र निर्णय नसच्याए सोमबार काठमाडौंमा ठूलो प्रदर्शन गर्ने चेतावनीसमेत स्वास्थ्यकर्मीहरूले दिएका छन् ।
