काठमाडौं, २१ वैशाख । अर्थमन्त्री स्वर्णिम वाग्लेले नेपाललाई १०० अर्ब डलरको अर्थतन्त्रमा पु¥याउने लक्ष्य पूरा गर्न निजी क्षेत्रको सक्रिय सहकार्य अपरिहार्य रहेको बताएका छन् ।
नेपाल उद्योग वाणिज्य महासंघको ६०औँ वार्षिक साधारण सभामा उनले निजी क्षेत्रमैत्री नीति निर्माणतर्फ सरकार अघि बढिसकेको जानकारी दिए ।
उनका अनुसार करिब सात वर्षमा लक्ष्य हासिल गर्ने योजना रहेको छ, जसमा रोजगारी सिर्जना, उत्पादन वृद्धि र निर्यात विस्तारमा निजी क्षेत्रको प्रमुख भूमिका रहनेछ ।
सरकार निजी क्षेत्रको विश्वास जित्दै लगानीमैत्री वातावरण र नीतिगत सुधारमार्फत आर्थिक गतिविधि बढाउने दिशामा केन्द्रित रहेको उनले बताए ।
