जनकपुरधाम, २१ बैशाख । मिथिला हस्पिटालिटी ले जनकपुरधाम मा पाँचतारे स्तरको होटल निर्माणका लागि भूमि पूजन गरेको छ ।
मधेस प्रदेशको राजधानीमै पहिलोपटक यस प्रकारको ठूला लगानीको होटल परियोजना अघि बढाइएको हो, जसले स्थानीय पर्यटन तथा आर्थिक गतिविधिमा नयाँ ऊर्जा थप्ने अपेक्षा गरिएको छ ।
करिब २ अर्ब रुपैयाँको लागतमा निर्माण हुने यस होटलमा १२४ वटा सुविधायुक्त कोठा रहनेछन् । होटलमा अन्तर्राष्ट्रिय स्तरका सेवा सुविधा, आधुनिक पूर्वाधार, सम्मेलन हल, र विवाह तथा अन्य ठूला कार्यक्रम गर्न मिल्ने व्यवस्थासमेत रहने जनाइएको छ ।
निर्माण कार्य अब तीव्र गतिमा अगाडि बढाइने र आगामी ३ वर्षभित्र सञ्चालनमा ल्याउने लक्ष्य राखिएको छ । होटल मुजेलिया, जनकपुर उपमहानगरपालिका–१४ मा निर्माण हुनेछ ।
कम्पनीका अध्यक्ष रामेश्वर साह ले जनकपुर धार्मिक तथा सांस्कृतिक हिसाबले महत्त्वपूर्ण सहर भएकाले यसलाई वेडिङ डेस्टिनेसन विवाह गन्तव्य) का रूपमा विकास गर्न होटलले ठूलो भूमिका खेल्ने विश्वास व्यक्त गरे ।
भूमि पूजन कार्यक्रममा मधेस प्रदेशका मुख्यमन्त्री कृष्णप्रसाद यादव ले यस्तो ठूला लगानीको परियोजनाले जनकपुरको पहिचान र गौरव बढाउने बताए ।
उनले यसले पर्यटन प्रवद्र्धन, रोजगारी सिर्जना र स्थानीय अर्थतन्त्रमा सकारात्मक प्रभाव पार्ने उल्लेख गरे ।
