जनकपुरधाम, २१ बैशाख । मधेस प्रदेशमा पछिल्ला वर्षहरूमा लागुऔषध दुव्र्यसन गम्भीर सामाजिक समस्याका रूपमा फैलिँदै गएको छ ।
भारतसँगको खुला सीमाका कारण लागुऔषध भित्रिने क्रम बढ्दा यसको असर विशेषगरी युवापुस्तामा देखिएको छ, जसले परिवार र समाजलाई चिन्तित बनाएको छ ।
यस समस्यालाई नियन्त्रण गर्न मधेस प्रदेश प्रहरीले लागुऔषध सेवनकर्ता खोजी एवं सुधार महाअभियान २०८३Ú सुरु गरेको छ । अभियानको उद्देश्य केवल कारबाही मात्र नभई सेवनकर्ताको पहिचान, सुधार केन्द्रमा पठाउने र समाजमा पुनस्र्थापना गर्ने रहेको छ ।
प्रहरीका अनुसार लागुऔषध समस्या कानुनी मात्र नभई सामाजिक तथा मानसिक चुनौती पनि भएकाले नियन्त्रण, निगरानी र सुधारलाई सँगै अघि बढाइनेछ ।
