काठमाडौँ, १९ वैशाख । अर्थमन्त्री स्वर्णिम वाग्लेले आगामी आर्थिक वर्षको बजेट निजी क्षेत्रमैत्री हुने बताएका छन् ।
उनले कानुन कार्यान्वयनमा कडाइ गरिने तर इमानदार उद्यमीलाई डराउन नपर्ने स्पष्ट पारे । कार्यक्रममा बोल्दै वाग्लेले नेपाल आर्थिक रूपान्तरणको प्रस्थान बिन्दुमा रहेको उल्लेख गर्दै सुशासन, लगानी सुरक्षा र नीतिगत स्थिरतालाई प्राथमिकता दिने बताए ।
राष्ट्रिय स्वतन्त्र पार्टी नेतृत्वको सरकार पूर्ण कार्यकाल चल्ने दाबी गर्दै उनले डिजिटलाइजेसनमार्फत सेवा प्रवाहमा सुधार ल्याइने बताएका छन् ।
