काठमाडौँ, १९ बैसाख । काठमाडौंमा सुकुम्बासी बस्ती हटाउने अभियानअन्तर्गत शनिबार बालाजु, माछापोखरी र स्वयम्भू क्षेत्रमा डोजर चलाइएको छ ।
खोला किनार तथा अतिक्रमित जग्गामा बनाइएका घरटहरा हटाइएको हो । काठमाडौँ उपत्यका विकास प्राधिकरणका अनुसार हालसम्म उपत्यकामा करिब दुई हजार अतिक्रमित संरचना हटाइसकिएको छ ।
यसअघि बल्खु, वंशीघाट, गोंगबु, शंखमूल, थापाथली, गैरीगाउँ र सिनामंगल क्षेत्रमा पनि डोजर अभियान सञ्चालन भइसकेको छ ।
