काठमाडौं, १८ वैशाख । रौतहटको गरुडा नगरपालिका–१ का राम बिलास महतो आफ्नै बाबुको हत्या आरोपमा १८ वर्षपछि पक्राउ परेको छ ।
२० जेठ २०६४ मा उनले ६५ वर्षीय बाबु बिशेश्वर महतोको हातखुट्टा बाँधेर धारिलो हतियार प्रयोग गरी हत्या गरेको आरोप छ ।
प्रहरीका अनुसार, घटनाको कारण ऋण र जग्गासम्बन्धी विवाद रहेको देखिएको छ । बाबुले लिएको ऋण र त्यससँग जोडिएको झमेलाका कारण बाबुलाई नै ज्यान मुद्दामा फसाउने उद्देश्यले हत्या गरिएको प्रारम्भिक अनुसन्धानमा खुलेको छ ।
हाल महतोमाथि ज्यान मुद्दामा थप अनुसन्धान भइरहेको प्रहरीले जनाए ।
