काठमाडौं, १८ वैशाख । रोल्पाको थवाङ गाउँपालिका–१ जलजलामा भएको जिप दुर्घटनामा २० जनाको ज्यान गएका छन् ।
मृतकमध्ये रुकुम पूर्वको सिस्ने गाउँपालिका–५ का एकै परिवारका ७ जना रहेको छ, जसमा दुई दाजुभाइका परिवारका सदस्यहरू समावेश छन् ।
दुर्घटनामा १२ महिला, ४ पुरुष र ४ बालबालिका रहेका छन् । जिप करिब ८ सय मिटर तल खसेको थियो । वर्षा र अँध्यारोका कारण उद्धार कार्य रोकिए पनि शुक्रबार बिहानदेखि पुनः सुरु गरी शवहरू थवाङतर्फ ल्याइएको छ ।
घटनामा ३२ वर्षीय समिर कामी घाइते भएका छन् र उनलाई उपचारका लागि अस्पताल पठाइएको छ । मृतकहरूको पहिचान गर्ने काम जारी छ ।
