काठमाडौं, १७ वैशाख । स्वास्थ्य तथा जनसंख्या मन्त्रालयले वैशाख १८ गते देशभरका सरकारी अस्पतालहरूलाई ओपीडी सेवा सञ्चालन गर्न आग्रह गरेको छ ।
लगातार तीन दिन सार्वजनिक बिदा -वैशाख १८, १९ र २०) परेकाले सेवाग्राहीलाई स्वास्थ्य सेवामा असुविधा हुन सक्ने भन्दै मन्त्रालयले पूर्वसावधानीस्वरूप यस्तो निर्देशन दिएको हो ।
मन्त्रालयले सबै अस्पताल प्रशासनलाई भोलि नियमित रूपमा बहिरङ्ग -ओपीडी) सेवा सञ्चालन गरी नागरिकलाई सहज स्वास्थ्य सेवा उपलब्ध गराउन अनुरोध गरेको छ ।
