जनकपुर, १७ वैशाख । मधेस प्रदेशका प्रदेश प्रमुख सुरेन्द्रलाभ कर्णले सुशासन र समृद्धिका लागि नैतिक शिक्षा आधारभूत सर्त भएको बताएका छन् ।
मधेसी आयोग र इन्सेकको सहकार्यमा जनकपुरमा आयोजित कार्यक्रममा उनले नैतिक मूल्य कमजोर हुँदा प्रशासनिक अनुशासन र पारदर्शितामा चुनौती आएको उल्लेख गर्दै शिक्षादेखि नै नैतिकता विकास गर्नुपर्नेमा जोड दिए ।
कार्यक्रममा अन्य वक्ताहरूले नीति र व्यवहारबीचको दूरी घटाउन, स्थानीय तहबाटै सुशासन अभ्यास गर्न तथा पारदर्शिता र जनसहभागिता बढाउनुपर्ने धारणा राखे। साथै नैतिक शिक्षा समाज रूपान्तरणको आधार भएकोमा सबैले जोड दिएका थिए ।
