काठमाडौं, १७ वैशाख । अमेरिकी राष्ट्रपति डोनाल्ड ट्रम्पका विशेष दूत सर्गियो गोर आज काठमाडौं आउँदैछन् ।
दक्षिण तथा मध्य एशियाका लागि विशेष दूत तथा भारतका लागि अमेरिकी राजदूतसमेत रहेका गोर हालसम्म बालेन सरकार बनेपछि नेपाल आउने सबैभन्दा उच्च तहका अमेरिकी कूटनीतिज्ञ हुन् ।
उनको भ्रमण व्यवसाय, लगानी र नेपाल–अमेरिका सम्बन्ध विस्तारमा केन्द्रित रहने बताइएको छ । गोरले अर्थमन्त्री स्वर्णिम वाग्ले र परराष्ट्रमन्त्री शिशिर खनालसँग भेट गर्ने निश्चित भए पनि प्रधानमन्त्री बालेन्द्र शाहसँग भेट हुने/नहुने टुंगो लागेको छैन ।
यसअघि पनि अमेरिकी सहायक विदेशमन्त्री समिर पल कपुरले प्रधानमन्त्रीसँग भेट नगरी फर्किएका थिए। वर्तमान सरकारमा विदेशी कूटनीतिज्ञसँग प्रधानमन्त्रीको भेटघाटको परम्परा केही बदलिँदै गएको देखिएको छ ।
