काठमाडौं, १६ बैशाख । काठमाडौंमा चक्रपथ विस्तारको दोस्रो चरणका लागि नेपाल सरकार र चीनबीच औपचारिक सम्झौता सम्पन्न भएको छ ।
बुधबार भएको उक्त सम्झौतामा भौतिक पूर्वाधार, यातायात तथा शहरी विकास मन्त्री सुनील लम्साल र नेपालका लागि चिनियाँ राजदूत झांग माओमिंगले हस्ताक्षर गरेका हो ।
सम्झौताअनुसार दोस्रो चरणमा कलंकीदेखि बसुन्धारासम्म करिब ८ दशमलव २ किलोमिटर सडक तथा पुल निर्माण गरिनेछ। यस परियोजनाका लागि चीन सरकारले करिब ११ अर्ब रुपैयाँ बराबरको अनुदान सहयोग उपलब्ध गराउनेछ ।
यसअघि सन् २०१९ मा सुरु भएको पहिलो चरण अन्तर्गत कोटेश्वरदेखि कलंकीसम्मको सडक विस्तार कार्य सम्पन्न भइसकेको छ । दोस्रो चरणको काम अगाडि बढाउँदा कुनै समस्या आए तत्काल समाधान गर्ने प्रतिबद्धता मन्त्री लम्सालले जनाएका छन् ।
उनले नेपालमा पूर्वाधार विकासलाई तीव्रता दिन चीनबाट थप लगानी आवश्यक रहेको धारणा राखे। त्यसैगरी चिनियाँ राजदूत माओमिंगले लगानीमैत्री वातावरण सुनिश्चित भएमा चिनियाँ लगानीकर्ता नेपालमा थप सक्रिय हुने विश्वास व्यक्त गरेका छन् ।
