काठमाडौं, १४ वैशाख । पोखरा महानगरभित्र करिब ३ हजार रोपनी जग्गा अव्यवस्थित रूपमा कब्जा भएको देखिएको छ ।
भूमि आयोग कास्कीका अनुसार यहाँ ३,५५३ भूमिहीन दलित, ४,१८३ सुकुम्बासी र ११,८९८ अव्यवस्थित बसोबासी परिवार रहेका छन् । यसअघि बनाइएको दीर्घकालीन योजनाले असुरक्षित बस्ती व्यवस्थापन गर्ने लक्ष्य राखे पनि कार्यान्वयन हुन सकेन ।
हाल महानगरको दोस्रो पञ्चवर्षीय योजनामा सुकुम्बासी व्यवस्थापनका लागि बजेटसहित कार्यक्रम तय गर्दै १ हजार परिवारलाई सुरक्षित आवास उपलब्ध गराउने लक्ष्य राखिएको छ ।
