काठमाडौं, १३ वैशाख । राप्रपाका संसदीय दलका नेता ज्ञानेन्द्र -ज्ञाबहादुर) शाहीले सरकारलाई संसदमार्फत कानुन निर्माण गरेर मात्रै जनसमस्या समाधान गर्न आग्रह गरेका छन् ।
काठमाडौंमा आयोजित कार्यक्रममा उनले अध्यादेशमार्फत शासन चलाउने प्रयास नगर्न चेतावनी दिँदै त्यसो गरे गम्भीर राजनीतिक परिणाम भोग्नुपर्ने बताए ।
शाहीले संसद जनताको आवाज बोल्ने थलो भएकाले सरकार संसदबाट नभाग्नुपर्ने धारणा राखे । सुकुमवासी समस्या, भूमिसुधार ऐन र भूमि व्यवस्थापनजस्ता विषय संसदबाटै समाधान गर्नुपर्ने उनको भनाइ थियो ।
साथै, संघ, प्रदेश र स्थानीय तहबीच समन्वय अभाव रहेको भन्दै सरकारलाई यसमा गम्भीर हुन आग्रह गरे ।
