पर्सा, १३ वैशाख । पर्साको सखुवा प्रसौनी गाउँपालिका–५ स्थित गण्डक नहर छेउको गुठीको करिब ५ बिघा अतिक्रमित जग्गा खाली गराइएको छ ।
मधेशका गृह, सञ्चार तथा कानुनमन्त्री फकिरा महतोको पहलमा ७ वटा डोजर प्रयोग गरी ३८० घरटहरा हटाइएको हो । गाउँपालिकाले दुई वर्षदेखि प्रयास गरिरहे पनि हाल मन्त्रीको सक्रियतापछि अभियान तीव्र बनेको हो ।
सो क्रममा करिब ३०० जना नेपाल प्रहरी र सशस्त्र प्रहरी परिचालन गरिएको छ। साथै, सोही क्षेत्रको मधुवनमा रहेको २९ बिघा गुठी जग्गा पनि खाली गराउने कार्य जारी छ ।
