काठमाडौं, १२ वैशाख । ओखलढुङ्गाबाट निर्वाचित रास्वपा सांसद तथा पूर्व एआइजी विश्वराज पोखरेल आफ्नो अभिव्यक्तिका कारण विवादमा परेपछि माफी मागेका छन् ।
विद्यालयका प्रधानाध्यापकलाई स्वागतमा नआएको भन्दै दिएको अभिव्यक्ति सामाजिक सञ्जालमा भाइरल भएपछि आलोचना भएको थियो ।
पोखरेलले विज्ञप्ति जारी गर्दै भिडियो सन्दर्भबिना काटछाँट गरेर प्रस्तुत गरिएको दाबी गरेका छन् । साथै, सार्वजनिक जीवनमा आफ्नो व्यवहार अझ संयमित हुनुपर्ने स्वीकार गर्दै उत्पन्न विवादप्रति खेद प्रकट गरेका छन् । 
