काठमाडौं, १२ वैशाख । काठमाडौं उपत्यकामा सुकुमवासी बस्ती हटाउने अभियान सुरु गरिएको छ ।
शनिबार बिहानदेखि थापाथलीस्थित बागमती नदी किनारका बस्ती हटाउन थालिएको हो । दिउँसो २ बजेसम्म २३ परिवार सरकारी सम्पर्कमा आई आफ्नो विवरण बुझाएका छन् ।
प्रभावितहरूका लागि बबरमहल, भीमसेनगोला र पेप्सीकोलामा स्वास्थ्य सेवा उपलब्ध गराइएको छ भने त्रिपुरेश्वरस्थित दशरथ रंगशालामा विवरण संकलन र स्क्रिनिङ भइरहेको छ ।
त्यसपछि उनीहरूलाई कीर्तिपुरस्थित राधास्वामी आश्रममा स्थानान्तरण गर्ने तयारी छ । सरकारले नदी किनार अतिक्रमण हटाउने र उपत्यका सौन्दर्यीकरण गर्ने उद्देश्यले अभियान अघि बढाएको जनाएको छ ।
