काठमाडौं, १० वैशाख । संविधान संशोधन बहसपत्र तयार पार्न गठित कार्यदलले चार प्रमुख विषयमा संशोधन प्रस्ताव अघि सारेको छ ।
कार्यदलको बैठकमा प्रत्यक्ष निर्वाचित कार्यकारी प्रमुख -प्रधानमन्त्री) बनाउने, निर्वाचन प्रणालीलाई पूर्ण समानुपातिक वा हालकै मिश्रित प्रणालीमध्ये छनोट गर्ने, उपराष्ट्रपतिलाई राष्ट्रिय सभाको अध्यक्ष बनाउने तथा स्थानीय तहलाई निर्दलीय बनाउने प्रस्ताव प्रस्तुत गरिएको हो ।
बैठकमा केही दलका नेताहरूबीच बहसपत्रको दायरा तोक्ने विषयमा मतभेद देखिएको छ। मनोज भट्ट ले सुरुमै सीमा निर्धारण गर्नु गलत भएको भन्दै आपत्ति जनाए ।
यद्यपि संघीयता, गणतन्त्र, धर्मनिरपेक्षता, समानुपातिक समावेशी सिद्धान्त र मौलिक हक परिवर्तन नगर्ने सहमति बनेको छ ।
कार्यदलले विभिन्न राजनीतिक दल र सरोकारवालासँग छलफल गरी बहसपत्र तयार गर्ने तयारी गरेको छ ।
