काठमाडौँ, १० वैशाख । सङ्घीय मामिला तथा सामान्य प्रशासन मन्त्रालयले सबै सरकारी निकायका कर्मचारीका लागि विद्युतीय हाजिरी प्रणाली अनिवार्य कार्यान्वयन गर्न परिपत्र जारी गरेको छ ।
मन्त्रालयले प्रणाली लागू नभएका कार्यालयहरूलाई समेत दैनिक उपस्थितिको विवरण अनिवार्य रूपमा विद्युतीय माध्यमबाट राख्न निर्देशन दिएको छ ।
साथै, प्रत्येक १५ दिनको हाजिरी विवरण प्रिन्ट गरी प्रमाणित गरेर अभिलेख राख्नुपर्ने व्यवस्था गरिएको मन्त्रालयका शाखा अधिकृत पीताम्बर सारु ले जानकारी दिएका छन् ।
