यो हेडलाइनलाई परिवर्तन गर्नुहोस ।
काठमाडौं, १० वैशाख । प्युठानको स्वर्गद्वारी नगरपालिका–४ टाकुरामा भारतीय तीर्थयात्री सवार जिप दुर्घटना हुँदा एक बालकको ज्यान गएको छ भने २१ जना घाइते भएका छन् । भिङ्ग्रीबाट स्वर्गद्वारीतर्फ जाँदै गरेको लु १ ज ३१७५ नम्बरको मुस्ताङ जिप अनियन्त्रित भई सडकबाट करिब २५–३० मिटर तल खसेर दुर्घटनामा परेको प्रहरीले जनाए । मृतक बालकको पहिचान अझै खुल्न सकेको छैन । दुर्घटनामा घाइतेमध्ये ५ जना बालबालिका रहेका छन् । घाइतेमध्ये १० जनाको अवस्था गम्भीर भएपछि उनीहरूलाई थप उपचारका लागि बुटवल रिफर गरिएको छ । घाइतेहरूलाई स्थानीयवासी र सुरक्षाकर्मीको सहयोगमा उद्धार गरी प्राथमिक उपचारका लागि भिङ्ग्री प्राथमिक स्वास्थ्य केन्द्र लगिएको थियो । घटनाबारे थप विवरण आउन बाँकी रहेको प्रहरीले बताए ।
