काठमाडौं, १० वैशाख । सरकारले महाराजगञ्जस्थित राष्ट्रिय प्रहरी प्रशिक्षण प्रतिष्ठान नसार्ने निर्णय गरेको छ ।
बिहीबारको मन्त्रिपरिषद् बैठकले २०७५ सालमा प्रतिष्ठानको जग्गा राष्ट्रपतिको कार्यालयको नाममा हस्तान्तरण गर्ने निर्णय खारेज गर्दै पूर्ववत् रूपमा प्रतिष्ठानलाई नै प्रयोग गर्न दिने निर्णय गरेको हो ।
सरकारका प्रवक्ता तथा शिक्षामन्त्री सस्मित पोखरेलले उक्त जानकारी दिएका हुन् ।
