काठमाडौं, १० वैशाख । आज देशभर पश्चिमी तथा स्थानीय वायुको आंशिक प्रभाव रहनेछ ।
हिमाली र पहाडी क्षेत्रमा आंशिक बदली रहने र केही स्थानमा मेघगर्जनसहित हल्का देखि मध्यम वर्षा तथा हिमपातको सम्भावना छ ।
तराई तथा उपत्यकामा भने मौसम मुख्यतया सफा रहनेछ र तातो बढ्ने सम्भावना छ, लुम्बिनी र सुदूरपश्चिमका तराई क्षेत्रमा तातो लहर पनि आउन सक्छ ।
राति पनि हिमाली–पहाडी क्षेत्रमा आंशिक बदली रहने र कोसी प्रदेशका केही स्थानमा हल्का वर्षा वा हिमपात हुन सक्छ । काठमाडौँ उपत्यकामा भने वर्षाको सम्भावना न्यून रहेको मौसमविद्ले बताएका छन् ।
