विवाहमा झगडा हुँदा युवकको हत्या

कञ्चनपुर, ७ वैशाख । कञ्चनपुरको पुनर्वास नगरपालिका–५ भानुबस्तीमा विवाहमा भएको झगडामा १८ वर्षीय उज्वल सायरमाथि धारिलो हतियार प्रहार हुँदा उनको मृत्यु भएको छ ।

गएराति करिब साढे १ बजे भएको घटनामा घाइते सायरलाई धनगढीस्थित माया मेट्रो अस्पताल लगिए पनि उपचारकै क्रममा मृत्यु भएको प्रहरीले जनाएको छ ।

घटनामा संलग्न आरोपमा दुई जनालाई पक्राउ गरी अनुसन्धान भइरहेको छ ।