काठमाडौँ, ७ वैशाख । प्रधानमन्त्री बालेन्द्र शाहले विश्वविद्यालय र स्वास्थ्य शैक्षिक संस्थाहरूमा रहेका दलीय विद्यार्थी तथा कर्मचारी संगठनका संरचना तत्काल हटाउन उपकुलपतिहरूलाई कडा निर्देशन दिएका छन् ।
उपकुलपतिहरूसँगको छलफलमा उनले शैक्षिक संस्थामा राजनीतिक गतिविधि पूर्ण रूपमा निषेध गर्नुपर्ने बताए । प्रधानमन्त्रीले यस्ता संगठन हटाउन कुनै कानुनी बाधा नरहेको स्पष्ट पार्दै सुरक्षा समस्या आए सरकारबाट पूर्ण सहयोग हुने आश्वासन दिएका छन् ।
साथै, शैक्षिक क्यालेन्डर पालना र परीक्षा नतिजा एक महिनाभित्र प्रकाशन गर्न पनि निर्देशन दिएका छन् ।
उपकुलपतिहरूले केही स्थानमा राजनीतिक प्रभाव कायम रहेको र संगठन हटाउने क्रममा चुनौती देखिएको बताए भने सरकारले कडाइका साथ कार्यान्वयन गर्न आग्रह गरेको छ ।
