काठमाडौँ, ७ वैशाख । पेट्रोलियम पदार्थको खपत घटाउने उद्देश्यले संघीय सरकारले लागू गरेको सातामा दुई दिन -शनिबार-आइतबार) बिदा दिने निर्णय देशभर पूर्ण रूपमा कार्यान्वयन हुन सकेन ।
ताप्लेजुङ, डोल्पा, जुम्लालगायतका धेरै स्थानीय तहहरूले निर्णयलाई अव्यावहारिक भन्दै अस्वीकार गर्दै आइतबार पनि कार्यालय र विद्यालय सञ्चालन गरेका छन् ।
स्थानीय तहहरूले दुर्गम भूगोल, सेवाग्राहीको पहुँच र शैक्षिक सत्रका २२० दिन पूरा गर्नुपर्ने बाध्यताका कारण यस्तो निर्णय लिएको बताएका छन् ।
संविधानले दिएको अधिकार प्रयोग गर्दै केही नगरपालिकाले शैक्षिक तालिका समेत आफ्नै हिसाबले लागू गरेका छन् ।
यसले संघीय र स्थानीय सरकारबीच समन्वय अभाव देखिएको छ भने केन्द्रबाट लादिएका नीति सबै ठाउँमा समान रूपमा लागू हुन नसक्ने बहस सुरु भएको छ ।
