सप्तरी, ७ वैशाख। सप्तरीका प्रहरी उपरिक्षक गौतम कुमार केसीको गालीगलौज र धम्की दिएको भनिएको फोन संवाद सामाजिक सञ्जालमा भाइरल भएपछि मधेश प्रदेश प्रहरी कार्यालयले छानबिन सुरु गरेको छ।
कमल थापा को नेतृत्वमा ५ सदस्यीय समिति गठन गरिएको हो। मधेश प्रदेश प्रहरी प्रमुख गोविन्द थपलियाले प्रतिवेदनका आधारमा आवश्यक कारबाही गरिने बताएका छन्।
भाइरल संवादमा एसपी केसीले सञ्चारकर्मी प्रह्लाद सिंह ‘विक्की’सँग कुराकानीका क्रममा एक व्यक्तिलाई धम्क्याउँदै अपशब्द प्रयोग गरेको सुनिन्छ।
सम्बन्धित व्यक्ति मुस्तकिम आलमले आफूलाई पनि धम्की आएको दाबी गरेका छन् भने एसपी केसीले भने गालीगलौज र धम्की दिएको अस्वीकार गर्दै संवाद तोडमोड गरिएको हुन सक्ने बताएका छन्।
