काठमाडौँ, ५ वैशाख । त्रिभुवन अन्तर्राष्ट्रिय विमानस्थलबाट गाँजा वा भाँगो जस्तो देखिने प्रतिबन्धित तेलसहित एक अमेरिकी नागरिक पक्राउ परेका छन् ।
४६ वर्षीय ओग्नियन पेट्रोभ शुक्रबार Air Indiaको उडानमार्फत दिल्ली जान लागेका थिए । एक्सरे जाँचका क्रममा उनको ब्याग शंकास्पद देखिएपछि जाँच गर्दा १.२५ लिटरका ५ बोतलमा उक्त तेल फेला परेको हो।
उनलाई आवश्यक अनुसन्धान तथा कारबाहीका लागि लागू औषध नियन्त्रण ब्यूरोको जिम्मा लगाइएको छ ।
