काठमाडौँ, २ बैशाख। अमेरिकी राष्ट्रपति डोनाल्ड ट्रम्पले इरानलाई परमाणु हतियार विकासतर्फ अघि बढ्न नदिन कडा चेतावनी दिएका छन्।
फक्स बिजनेससँगको अन्तर्वार्तामा उनले इरानले परमाणु कार्यक्रम नरोके कुनै पनि प्रकारको सम्झौता सम्भव नहुने स्पष्ट पारे।
ट्रम्पले अमेरिकी सेनाले इरानको सैन्य क्षमतामा गम्भीर क्षति पुर्याएको दाबी गर्दै त्यहाँको वायुसेना र रडार प्रणाली कमजोर भइसकेको बताए। साथै, उनले इरानको वर्तमान नेतृत्वलाई अघिल्लोभन्दा केही समझदार भएको टिप्पणी गरे पनि समग्र अवस्था अझै अनिश्चित रहेको स्वीकार गरे।
उनका अनुसार अन्तिम परिणाम चाँडै देखिन सक्ने संकेत छ। ट्रम्पले अमेरिका चाहेको खण्डमा इरानको पूर्वाधारमा ठूलो आक्रमण गर्न सक्ने क्षमता रहेको दाबी गर्दै एक घण्टामै पुल र विद्युत् केन्द्रहरू निशाना बनाउन सक्छौं, तर अवस्था थप बिगार्न चाहँदैनौं भने।
उनले हर्मुजसँग सम्बन्धित गतिविधिहरूप्रति अन्तर्राष्ट्रिय स्तरमा खास विरोध नभएको पनि उल्लेख गरे। यसैबीच, उनले चिनियाँ राष्ट्रपति सी जिनपिङसँग पत्रमार्फत संवाद भइरहेको जानकारी दिएका छन्।
