काठमाडौं, २ वैशाख । प्रतिनिधिसभा विघटनपछि निष्क्रिय भएका करिब ३० विधेयक पुनः अध्ययनमा ल्याइएका छन् ।
सरकारले अघिल्लो संसद्मा भएका छलफललाई आधार बनाएर नयाँ विधेयक अघि बढाउने तयारी गरेको हो । विद्यालय शिक्षा, संघीय निजामती सेवा, प्रहरी लगायतका महत्त्वपूर्ण विधेयक अन्तिम चरणमा पुगे पनि विघटनसँगै निष्क्रिय भएका थिए ।
अहिले नयाँ सरकारले ती विधेयकलाई प्राथमिकतामा राख्दै पुनः अघि बढाउने संकेत दिएको छ ।
