काठमाडौं, ३० चैत । सरकारले विदेशबाट आयात गरी नेपालमा बिक्री हुने सबै वस्तुमा अधिकतम खुद्रा मूल्य (एमआरपी) अनिवार्य रूपमा उल्लेख गर्न निर्देशन दिएका छन् । वाणिज्य, आपूर्ति तथा उपभोक्ता संरक्षण विभागले आयातकर्तालाई १५ दिनभित्र एमआरपी तोक्न समय दिएको छ । तोकिएको अवधिमा पनि मूल्य नलेखिए कडा कारबाही गरिने चेतावनी दिइएको हो ।
विभागका अनुसार उपभोक्ता संरक्षण र बजारलाई पारदर्शी बनाउन यो व्यवस्था लागू गरिएको हो । अब आयातित वस्तुमा एमआरपी उल्लेख गर्नुका साथै बिक्री गर्दा बिल अनिवार्य रूपमा दिनुपर्नेछ । १५ दिनपछि बजार अनुगमन तीव्र बनाइने र एमआरपी नभएका वस्तु भेटिएमा कानुनअनुसार कारबाही गरिने विभागले बताए ।
