काठमाडौं, ३० चैत । २०८२ साल राजनीतिक परिवर्तनसँगै शिक्षा क्षेत्रमा अस्थिरताको वर्ष बन्यो। वर्षभर चार जना शिक्षामन्त्री फेरिए पनि अपेक्षित सुधार हुन सकेन ।
सबैभन्दा ठूलो असर ‘विद्यालय शिक्षा विधेयक’मा देखियो । पारित हुने अन्तिम चरणमा पुगेको विधेयक राजनीतिक उथलपुथलपछि निष्क्रिय बन्न पुग्यो ।
यसका कारण शिक्षकहरू पटक–पटक आन्दोलनमा उत्रिए, पठनपाठनसमेत प्रभावित भयो । विद्या भट्टराईले सहयोग अभावमा राजीनामा दिइन् भने महावीर पुन छोटो समयमै चर्चित भए पनि सुधारका योजना कार्यान्वयन गर्न सकेनन् ।
यद्यपि, यसबीच एसईई नतिजामा सुधार देखिनु सकारात्मक पक्ष रह्यो । हाल नयाँ सरकार गठन भइसकेको छ र शिक्षा सुधारका लागि विभिन्न योजना अघि सारिएको छ । ती प्रभावकारी रूपमा कार्यान्वयन भएमा शिक्षा क्षेत्रमा सुधार आउने अपेक्षा गरिएको छ ।
