एजेन्सी, ३० चैत । मध्यपूर्वमा तनाव तीव्र बन्दै गएका छन् । संयुक्त राज्य अमेरिका र इरानबीचको वार्ता निष्कर्षविहीन बनेपछि सैन्य गतिविधि, कूटनीतिक अन्योल र तेल बजारमा असर देखिन थालेको छ ।
अमेरिकी राष्ट्रपति डोनाल्ड ट्रम्पले सम्झौता नभए पनि आफ्नो रणनीति नबदलिने जनाए । उता, अमेरिकाले होर्मुज जलडमरूमध्य आसपासका इरानी बन्दरगाहमा निगरानी कडा बनाउने घोषणा गरेपछि तनाव थप चर्किएको छ ।
इरानले उक्त कदमको विरोध गर्दै कडा प्रतिक्रिया दिने चेतावनी दिएको छ । दुवै पक्षबीच बढ्दो तनातनीले विश्व बजारमा तेलको मूल्य उकालो लागेको छ । यसैबीच, इजरायल र लेबनानबीचको द्वन्द्व पनि जारी छ। इजरायलले सैन्य कारबाही नरोकिने संकेत दिएको छ भने अन्तर्राष्ट्रिय स्तरमा चिन्ता बढ्दो छ ।
